«Փափուկ հյուսվածքներ» հասկացությունըպայմանականորեն միավորում է իրենց կառուցվածքներով և գործառույթներով տարբեր հյուսվածքային բաղադրիչները: Դրանք ներառում են ենթամաշկային-ճարպային բջջանքը, փակեղները, ջլերը, փուխր միջմկանային հյուսվածքը, ներմկանային և պերինևրալ շարակցական շերտերը, սինովիալ հյուսվածքը, լայնաձիգ-գծավոր մկանները, անոթները, նյարդերը և լիմֆատիկ հանգույցները: Այս բոլոր կառուցվածքները կազմում են միջինում մարմնի 50%-ը և կարող են դիտարկվել որպես առանձին օրգանային համակարգ:
Փափուկ հյուսվածքներրի մագնիսա-ռեզոնանսային հետազոտությունն ունիկալ է, այն հնարավորություն է տալիս տեսնել և մանրամասն գնահատել մարմնի կառուցվածքային ամենափոքր բաղադրիչները, ինչպիսին են, օրինակ, ջլերի մանրաթելերը, առանձին մկանային հանգույցները կամ միջմկանային ամենաբարակ միջնապատերը: Ճառագայթային ախտորոշման որևէ այլ մեթոդ չի պատկերում հյուսվածքների և կառուցվածքները նման տարբերությունը, ինչը հնարավորություն է տալիս տեսնելու նույնիսկ ամենանվազագույն ախտաբանական փոփոխությունները:
Ընդ որում պացիենտի վրա չկա որևէ բացասական ազդեցություն: Փափուկ հյուսվածքների հետազոտությունը բարձրադաշտ տոմոգրաֆիայի միջոցով հնարավորություն է տալիս դիտարկել ցանկացած փոփոխություն այսպես ասած «մանրադիտակի» տակ, այսինքն տոմոգրաֆիան կարող է իրականացնել ամենաբարակ կտրվածքներ շատ բարձր թողունակությամբ: Այն օգնում է բացահայտել և մանրամասն զննել նույնիսկ ամենաչնչին ախտաբանական պրոցեսները:
Այսպիսով, փափուկ հյուսվածքի ՄՌՏ թույլ է տալիս բացահայտել՝
-տրավմատիկ վնասվածքների տարբեր տեսակներ– ձգվածություն, մկանների սալջարդ, ջլերի վնասվածք՝ ըստ վնասվածության աստիճանների,
Ազդրի միջանկյալ լայնաձիգ մկանի աստիճանի սալջարդ` StollerIII աստիճանի:
-հետտրավմատիկ փոփոխություների տարբերակներ, ինչպիսիք են հնացած հեմատոմաները, ատրոֆիկ սպիական փոփոխությունները, ճարպային ատրոֆիայի և ֆիբրոզ տեղամասեր,
Ազդրի կիսաթաղանթակազմ, մեծ առբերիչ և երկգլխանի մկանների ատրոֆիկ սպիական փոփոխություններ` պրոցեսի մեջ նստային նյարդի ներգրավումով:
-բորբոքային փոփոխություններ,ինչպիսիք են հյուսվածքների բորբոքային ինֆիլտրացիան, թարախակույտերը և ֆլեգմոնաները,
Ոտնաթաթի թարախակույտ՝ բարդացածIVթաթոսկրի վրա տարածումով:
-փափուկ հյուսվածքների ծավալային պրոցեսներ.փափուկ հյուսվածքների ՄՌՏ հետազոտության ժամանակ կոնտրաստային նյութի կիրառումըհնարավորություն է տալիս տարբերակելչարորակ ծավալային նորագոյացությունները բարորակներից,
Հետկոնտրաստային տոմոգրամմաներ:
Սրունքի մեծ ոլոքայիննյարդի նևրինոմա:
Հետկոնտրաստային տոմոգրամմաներ:
Ազդրի միջին երրորդականի փափուկ հյուսվածքների ռաբդոմիոսարկոմա
Փափուկ հյուսվածքների ՄՌՏ հետազոտության դեպքում չի կարելի չառանձնացնել առավել հաճախ հանդիպող հետազոտությունների տեսակները, ինչպիսիք են`
Պարանոցի փափուկ հյուսվածքների ՄՌՏ հետազոտությունը:Այս հետազոտությունը թույլ է տալիսբացահայտել և գնահատել թքագեղձերի, լիմֆատիկ հանգույցների, ըմպանի, վահանագեղձի և նախավերտեբրալ փափուկ հյուսվածքների ախտաբանական փոփոխություններ:
Պարանոցի մեծացած լիմֆատիկ հանգույցներ:
Ուսային կամ սրբանային հյուսակի թիրախավորված հետազոտությունը թույլ է տալիս որոշել կեմպրեսիոն-նևրոպաթիկ սինդրոմների առկայությունը, ինչպիսիք են հենց հյուսակի նյարդային ցողունների սեղմումը և/կամ տանձաձև մկանի սինդրոմը (նստային նյարդի սեղմումը ախտաբանորեն փոփոխցած տանձաձև մկանի կողմից):
Նստային նյարդի սեղմումը սպաիական փոփոխությունների ենթարկված տանձաձև մկանով: