Էպիլեպսիայի պրոտոկոլով ՄՌՏ հետազոտության ներդրման առաջին արդյունքները Հայաստանում
Սույն թվականի դեկտեմբերի
4-5-ը “Մոսկվայի տանը” տեղի ունեցավ Ռադիոլոգների Հայկական Ասոցիացիայի կողմից կազմակերպված
“Էպիլեպսիայի օրերը Հայաստանում” Հայ-ֆրանսիական միջազգային գիտաժողովը: Տվյալ գիտաժողովին
զեկույցներով հանդես եկան ինչպես ֆրանսիայից ժամանած բժիշկներ, այնպես էլ Հայաստանի
առաջատար մասնագետները: Ելույթ ունեցավ նաև ՄԻԲՍ Երևան բժշկական կենտրոնի ՄՌՏ բաժանմունքի
վարիչ, Ռադիոլոգների Հայկական Ասոցիացիայի քարտուղար Նարեկ Մատինյանը, ով ներկայացրեց
ՄՌՏ հետազոտության Էպիլեպիսայի հատուկ պրոտոկոլի ներդրման առաջին արդյունքները: Զեկույցում
բժիշկ Մատինյանը կարևորեց ինչպես ՄՌՏ-ի դերը Էպիլեպսիայի ախտորոշման հարցում, այնպես
էլ հատուկ “Էպիլեպսիայի պրոտոկոլի” կարևորությունը Էպիլեպտոգեն փոքր և նուրբ փոփոխությունների
(օջախների) հայտնաբերման հարցում:
Մոտ մեկ տարի առաջ ՄԻԲՍ Երևան բժշկական կենտրոնում
կատարվեց Հայաստանում առաջին Էպիլեպսիայի հատուկ պրոտոկոլը, որը լիովին նոր մակարդակի
վրա դրեց Էպիլեպսիայի ՄՌՏ հետազոտությունը: Այդ ընթացքում կատարվել է մոտ 120 հետազոտություն:
Արդյունքում Հայաստանում ներդնելով տվյալ մեթոդը հնարավորություն ընձեռեց հայտնաբերել
էպիլեպտոգեն այնպիսի օջախներ, որոնք ուղղակի չէին երևում ստանդարտ (սովորական) ՄՌՏ
հետազոտության ժամանակ: Ֆրանսիայից ժամանած մեր գործընկերները նույնպես համաձայնվեցին
այն մտքի հետ, որ Էպիլեպսիայով տառապող ցանկացած պացիենտի պետք է հետազոտել հատուկ
Էպիլեպսիայի պրոտոկոլով և շատ ուրախ էին իմանալով, որ տվյալ գերժամանակակից մեթոդն
արդեն մեկ տարի գործում է Հայաստանում, ի շնորհիվ ՄԻԲՍ Երևան բժշկական կենտրոնի: