Ինչպես տեղեկացրել էինք այս տարվա գարնանը, մեր կենտրոնում սկսվում են իրականացվել սրտի մագնիսա-ռեզոնանսային հետազոտություններ (Սրտի ՄՌՏ):
Սրտի ՄՌՏ-ն իրականացվում է ինչպես առանց կոնտրաստավորման, այնպես էլ դինամիկ կոնտրաստային ուժեղացմամբ` հատուկ սարքի միջոցով:
Այն ցուցված է հետևյալ դեպքերում.
- սրտի փորոքների, կլապանների, խոշոր անոթների, պերիկարդի անատոմիայի և ֆունկցիայի գնահատման համար,
- սրտի կամ անոթների զանազան հիվանդությունների ախտորոշման համար, ինչպիսիք են ուռուցքները, ինֆեկցիաներն ու բորբոքային հիվանդությունները:
- կորոնար անոթների հիվանդությունների կամ արյունամատակարարման խանգարման հետևանքների կամ տարած ինֆարկտից հետո սպիական հյուսվածքի առկայության հայտնաբերման և գնահատման համար,
- Սրտի և անոթների զարգացման արատների ախտորոշման համար` հատկապես բնածին արատների դեպքում:
ԿՀՄԻ բժշկա-ախտորոշիչ կենտրոնում սկսվում են նաև կատարել նեղ մասնագիտացված ՄՌՏ հետազոտություն էպիլեպսիայով պացիենտների համար:
Այն կատարվում է արդեն իսկ գլխուղեղի ընդհանուր ՄՌՏ անցած անձանց` էպիլեպսիայի հնարավոր պատճառի ավելի խորը ուսումնասիրման, դրա բուժման վիրաբուժական և ոչ վիրաբուժական հնարավորությունների պարզման համար:
Գրանցվելու համար պացիենտները կամ նրանց բուժող սրտաբանները կարող են զանգահարել 011-42-11-11 կամ այցելել www.ldc.am/reg հղումով: