Ո՞րն է COVID-19-ի վիզուալ ախտորոշման լավագույն մեթոդը
Վերջերս Նյու Յորքի Mount Sinai հիվանդանոցի հետազոտողները հրապարակեցին COVID-19-ով պայմանավորված թոքաբորբի վիզուալ ախտորոշման և բուժման մեթոդների ուսումնասիրությունը: Հոդվածում նկարագրվում են նաև արհեստական բանականության՝ ուշադրության արժանի կիրառման միտումները (AI), և բացի կրծքավանդակից օրգանիզմի այլ մասերում կորոնավիրուսի առաջացրած բարդությունները։ Ուսումնասիրությունների արդյունքները հրապարակվել են Radiology: Cardiothoracic Imaging ամսագրում:
Սայան Մաննի գլխավորությամբ գիտնականների խումբը պատրաստել է հետևյալ ամփոփ տեղեկատվությունը, որն օգնելու է գործընկերներին հասկանալ, թե ինչպես լավագույնս օգտագործել պատկերային ախտորոշումն այս հիվանդության համար։
Պատկերավորման մեթոդների արդյունավետությունը COVID-19 ախտորոշման համար:
- Շարժական ռենտգեն սարքի միջոցով կրծքավանդակի ռենտգենը հետազոտության առաջին տեսակն է, որով հետազոտում են COVID-19 վիրուսի կասկածով հիվանդներին: Պոլիմերազային շղթայի ռեակցիայի (RT-PCR) դրական թեստով հիվանդները կարող են ունենալ կրծքավանդակի ռենտգենի բացասական արդյունքներ, հատկապես հիվանդության վաղ փուլերում: Պատկերավորման այս մեթոդը ավելի ցածր զգայունություն ունի, քան RT-PCR- ն (69% ՝ 91% -ի դիմաց):
- Ռենտգենի համեմատ` կրծքավանդակի համակարգչային տոմոգրաֆիան ունի 97% և ավելի զգայունություն։ Այս մեթոդը հարմար է հիվանդության վաղ ախտորոշման համար: ՀՏ-ն կարող է հայտնաբերել COVID-19-ի հետևանքով առաջացած թոքի ախտահարումը և ախտորոշել հիվանդության նշանները ուղեկցող այլ հիվանդություններով հիվանդների մոտ:
- ՄՌՏ հետազոտությունը COVID-19 ախտորոշման համար դեռևս լիովին ուսումնասիրված չէ: Այս մեթոդը կարող է հայտնաբերել հիվանդությանը բնորոշ առանձին ախտանիշներ թոքերի պարենքիմի մեջ:
- ՊԷՏ/ՀՏ-ի միջոցով իրականացվող COVID-19 ախտորոշման արդյունքների մասին դեռևս քիչ նյութեր կան: Հետագայում այս մեթոդը կարող է օգտագործվել` ուսումնասիրելու COVID-19-ի բուժմանը վերաբերող արձագանքները, կանխատեսել բուժման արդյունքները և դիտարկել այս հիվանդության երկարաժամկետ հետևանքները:
- Կրծքավանդակի ուլտրաձայնային հետազոտությունը բավականին արդյունավետ միջոց է վերակենդանացման բաժանմունքում հիվանդների վիճակը գնահատելու համար: Ըստ որոշ ուսումնասիրությունների՝ այս մեթոդն ունի ավելի բարձր զգայունություն, քան կրծքավանդակի ռենտգենը: Ուլտրաձայնային հետազոտություն սկսել են անցկացնել՝ ախտորոշելու արյունատար անոթների խցանումները և այս հիվանդության հետևանքով առաջացած թրոմբոզի ռիսկը գնահատելու համար:
- Էխոկարդիոգրաֆիան ավելի հաճախ օգտագործվում է COVID-19 վարակակիր հիվանդների մոտ երակային և պերիֆերիկ երակների թրոմբոզի ախտորոշման համար:
Կրծքավանդակի պատկերային ախտորոշման միջոցով հայտնաբերված հիվանդության ամենատարածված ախտանիշները։ Ուսումնասիրության մեջ նշվում է, որ պատկերային ախտորոշման ընթացքում «մշուշապատ ապակու» սիմպտոմն ամենատարածված ախտանիշներից է։
AI-ի օգտագործումը COVID-19-ի ախտորոշման և բուժման համար: «Կորոնավիրուսային համավարակի ժամանակ արհեստական բանականության կիրառումը թույլ է տալիս մշակել մեծ թվով տվյալներ և պատկերների մեջ հայտնաբերել հիվանդության որոշակի նշաններ», - գրում են ուսումնասիրության հեղինակները:
- Բժշկական հաստատություններում, որոնք ծանրաբեռնված են կորոնավիրուսի ախտորոշմամբ հիվանդներով և ունեն սահմանափակ ռեսուրսներ,շատ արագ աճում է վիզուալ ախտորոշման մեթոդներով փորձաքննության տվյալների քանակը, որոնք բժիշկները պետք է վերլուծեն և եզրակացություն տան: AI-ի միջոցով պատկերավորման տվյալների զուգահեռ մշակումը թույլ է տալիս ավելի արագ տեսակավորել հիվանդներին»:
COVID-19, թրոմբոէմբոլիայի առաջացման ռիսկը և վիզուալ ախտորոշման պատկերներում օրգանիզմի այլ մասերում հիվանդության նշանների դրսևորումը: «Պարզ է դառնում, որ այս հիվանդությունը մեծացնում է երակային թրոմբոէմբոլիայի ռիսկը, որը կարող է վերածվել թոքային էմբոլիայի և հանգեցնել կաթվածի: Բացի այդ, COVID-19-ի վիզուալ ախտորոշման արդյունքները ցույց տվեցին հիվանդության նշանների առկայությունը աղեստամոքսային համակարգում, ուղեղում, սրտում և երիկամներում, - գրում են ուսումնասիրության հեղինակները: -
Քանի որ համաճարակը դեռ չի ավարտվել, ռադիոլոգները պետք է իմանան COVID-19- ի բոլոր դրսևորումները, - գրում են Մաննան և նրա գործընկերները:
- Մենք ուզում ենք այս հիվանդության մասին ավելի խորը գիտելիքներ փոխանցել ռադիոլոգներին, որպեսզի օգնենք նրանց ճիշտ ախտորոշում և բուժում իրականացնել», - եզրափակեցին նրանք:
Սկզբնաղբյուրը՝ https://www.auntminnie.com/index.aspx?sec=log&URL=https%3a%2f%2fwww.auntminnie.com%2findex.aspx%3fsec%3dsup%26sub%3dcto%26pag%3ddis%26ItemID%3d129176